NEWSDIGEST....weekly column in Karmaveera

( Script:Shantala, Illustrations: Satish Sringeri)

ಪವಡಿಸುವ ಪರಮಾತ್ಮ ಈಗ ಲಕ್ಕಿ ಗಾಡ್

ಈ ಪದುಮನಾಭ ನಿಜವಾಗಿಯೂ ಪರಮಪುರುಷನೇ.. ಸದ್ಯದ ಆಡಿಟ್ ರಿಪೋಟರ್್ ಪ್ರಕಾರ ಒಂದು ಲಕ್ಷ ಕೋಟಿ ರೂಗಳಿಗೂ ಮೀರಿ ನಗನಾಣ್ಯಾಧಿಗಳ ಒಡೆಯ..ಜಗತ್ತಿನ ಅತ್ಯಂತ ಶ್ರೀಮಂತ ದೇವರಾಗಿದ್ದ ತಿರುಪತಿ ತಿಮ್ಮಪ್ಪನನ್ನು ರಾತೋರಾತ್ರಿಯ ಕಾಯರ್ಾಚರಣೆಯಲ್ಲಿ ಸೆಕೆಂಡ್ ಪ್ಲೇಸ್ಗೆ ಇಳಿಸಿ ತಾನು ಮಾತ್ರ ಏನೂ ನಡೆದೇ ಇಲ್ಲವೇನೋ ಎಂಬಂತೆ ಕೂಲ್ ಆಗಿ ರಿಲ್ಯಾಕ್ಸಿಂಗ್ ಪೋಸಿನಲ್ಲೇ ಪವಡಿಸಿರುವ ತಿರುವಾಂಕೂರಿನ ಅನಂತಪದ್ಮನಾಭನ ರಹಸ್ಯ ಭಂಡಾರವನ್ನ ಹೇಗೆ ರಕ್ಷಣೆ ಮಾಡೋದು ಅನ್ನೋದೆ ಈಗ ಕೇರಳ ಸಕರ್ಾರಕ್ಕೆ ದೊಡ್ಡ ತಲೆನೋವಾಗಿದೆಯಂತೆ! ಆರರಲ್ಲಿ ಐದು ರಹಸ್ಯ ಕೋಣೆಗಳ ಸಂಪತ್ತನ್ನು ಆಡಿಟ್ ನಡೆಯುತ್ತಿದ್ದಂತೆಯೇ ವಿಶ್ವಾದ್ಯಂತ ಅನಂತಕೋಟಿ ನಾರಾಯಣನ ಭಂಡಾರದ ಗುಣಗಾನವೇ.. ಈ ಕಾರಣದಿಂದಲೇ ಅಲ್ಲವೇ ಘಜಿನಿ, ಘೋರಿ ಮಹಮ್ಮದರಿಂದ ಹಿಡಿದು ಬ್ರಿಟೀಷರ ವರೆಗೆ ವಿದೇಶೀ ಲೂಟಿಕೋರರ ಗಮ್ಯ ಭಾರತದ ದೇವಾಯಲಗಳಾಗಿದ್ದುದು.. ಈ ವಿಷಯವೆಲ್ಲ ಹಾಗಿರಲಿ ತಿರುವನಂತಪುರದ ಅನಂತಪದ್ಮನಾಭನ ಸಕಲ ಸಂಪತ್ತಿನ ಬಗ್ಗೆ ಕೇಳಿ ಇದುವರೆಗೆ `ಕುಳಿತಿರುವ ಗಜಲಕ್ಷ್ಮಿ'ಯ ಆರಾಧಕರಾಗಿದ್ದವರೆಲ್ಲ ಇನ್ನುಮುಂದೆ ಈ ಪವಡಿಸುವ ಪರಮಾತ್ಮನ ಪೋಸ್ಟರ್ ಮನೇಲಿದ್ರೆ ಅದೃಷ್ಟ ಕೊಳ್ಳೆ ಹೊಡಕೊಂಡು ಮನೆಗೇ ಬರುತ್ತೇಂತ ಹೊಸ ಗಾಸಿಪ್ ಹಬ್ಬಿಸಿದರೂ ಆಶ್ಚರ್ಯಪಡಬೇಕಿಲ್ಲ!

ಜನಸೇವಕರಿಗೆ `ಸ್ವಂತ'ಕ್ಕೆ ಸಮಯವಿಲ್ಲ..

ಅಂತಿಮ ಗಡುವಿನ ನಂತರವೂ ಹಲವು ಮಂತ್ರಿ-ಶಾಸಕರು ಆಸ್ತಿ ವಿವರ ನೀಡಿಲ್ಲವಂತೆ! ಹೀಗೆ ಆಸ್ತಿ ವಿವರ ನೀಡಿ ಎನ್ನುವುದೇ ದೋಷಪೂರಿತ ಮತ್ತು ಸರಿಯಾದ ಕ್ರಮವಲ್ಲ. ಏಕೆಂದರೆ ಈ ಸಚಿವ-ಶಾಸಕರ ಮಹೋದಯರಿಗೆ ತಾನೆ ಯಾವ ಆಸ್ತಿ ಎಲ್ಲಿದೆ, ಎಷ್ಟಿದೆ, ಯಾರ ಹೆಸರಲ್ಲಿದೆ? ಸ್ವನಾಮಿಯೋ ಇಲ್ಲಾ ಬೇನಾಮಿಯೋ.. ಈ ಎಲ್ಲ ವಿವರಗಳೂ ಅಸಲಿಗೆ ಗೊತ್ತಿದ್ದರೆ ತಾನೆ ಅದನ್ನು ಬಹಿರಂಗ ಪಡಿಸುವುದು...ಇಷ್ಟಕ್ಕೂ ನಿಗದಿತ ಅಜರ್ಿ ನಮೂನೆ ಎಲ್ಲಿ ಸಾಕಾಗುತ್ತದೆ ಎಲ್ಲ ಆಸ್ತಿ ವಿವರ ನೀಡುವುದಕ್ಕೆ? ಜನಸೇವೆಯಲ್ಲಿ ತಮ್ಮನ್ನು ಸಂಪೂರ್ಣವಾಗಿ ತೊಡಗಿಸಿಕೊಂಡಿರುವ ಇವರಿಗೆ ಸದಾ ಸಾರ್ವಜನಿಕ ಹಿತಾಸಕ್ತಿಯ ಕಡೆ ಗಮನವೇ ಹೊರತು, ಸ್ವಂತ ಆಸ್ತಿಪಾಸ್ತಿಗಳನ್ನ ಲೆಕ್ಕ ಮಾಡೋಕೆ ಸಮಯವಾದರೂ ಎಲ್ಲಿಂದ ಸಿಗಬೇಕು? ಛೆ ಪಾಪ! ಅಂದಹಾಗೆ ಈ ಪಟ್ಟಿಯಲ್ಲಿರುವವರೆಂದರೆ ರೇಣುಕಾಚಾರ್ಯ, ಎ. ನಾರಾಯಣಸ್ವಾಮಿ, ಕೃಷ್ಣ ಜೆ. ಪಾಲೆಮಾರ್, ಕಟ್ಟಾ ಸುಬ್ರಹ್ಮಣ್ಯ ನಾಯ್ಡು, ಎಚ್.ಡಿ. ರೇವಣ್ಣ, ಅನಿತಾ ಕುಮಾರಸ್ವಾಮಿ, ಎಚ್.ಸಿ. ಬಾಲಕೃಷ್ಣ ಡಿ.ಕೆ. ಶಿವಮಕುಮಾರ್, ಸಂತೋಷ್ಲಾಡ್, ಸಿ.ಎಸ್. ನಾಡಗೌಡ.. (ವಿ.ಸೂ. ಪಟ್ಟಿ ಉದ್ದವಿರುವುದರಿಂದ, ಸ್ಥಳಾಭಾವದ ಕಾರಣದಿಂದ ಕೆಲವು ಹೆಸರುಗಳನ್ನು ಮಾತ್ರ ಇಲ್ಲಿ ನೀಡಲಾಗಿದೆ)

ನಮಗೆ ಯಾರು ಮಾದರಿ?

ದೇಶಕ್ಕಾಗಿ ಹೋರಾಡಿ ಮಡಿದ ಕಿತ್ತೂರ ಚೆನ್ನಮ್ಮ, ಝಾನ್ಸಿ ಲಕ್ಷ್ಮೀಬಾಯಿ, ಬೆಳವಡಿ ಮಲ್ಲಮ್ಮ, ಅಬ್ಬಕ್ಕರೋ ಇಲ್ಲಾ ಪ್ರೇಮಿಸುವ ನಾಟಕವಾಗಿ ಅಸಲಿ ಪ್ರಿಯತಮನೊಂದಿಗೆ ಸೇರಿ ನಕಲಿ ಪ್ರೇಮಿಯನ್ನ ತುಂಡುತುಂಡಾಗಿ ಕತ್ತರಿಸಿ ಕೊಂದ ನಟಿ ಮರಿಯಾ ಸುಸೈರಾಜ್ಳೋ.. ಇದಕ್ಕೆ ಈ ಸಮಾಜದ ಪ್ರಜ್ಞಾವಂತ ನಾಗರಿಕರು ಉತ್ತರಿಸಬೇಕು. ಇತ್ತೀಚೆಗೆ ಮರಿಯಾ ಜೈಲಿನಿಂದ ಬಿಡುಗಡೆಯಾದಾಗ ಆಕೆಯನ್ನ ರಾಷ್ಟ್ರದ ವೀರವನಿತೆ ಎಂಬಂತೆ ಟಿವಿ ವಾಹಿನಿಗಳು ಬಿತ್ತರಿಸಿದ್ದು ನಿಜಕ್ಕೂ ಈ ಪ್ರಜಾಪ್ರಭುತ್ವದ ದುರಂತ. ಇದು ಸಾಲದೆಂಬಂತೆ ಬಾಲಿವುಡ್ನಿಂದ ಆಕೆಗೆ ಆಫರ್ಗಳ ಮೇಲೆ ಆಫರ್ಗಳು, ಬಿಗ್ಬಾಸ್ನಿಂದ 5 ಕೋಟಿಯ ಆಮಿಷ.. ಹಾಗಾದರೆ ಈ ದೇಶದಲ್ಲಿ ಫೇಮಸ್ಸಾಗಬೇಕಾದರೆ, ಹಣ ಮನೆ ಬಾಗಿಲಿಗೆ ಬಂದು ಬೀಳಬೇಕೆಂದರೆ ಏನು ಮಾಡಬೇಕೆಂಬುದನ್ನು ಮರಿಯಾ ಸುಸೈರಾಜ್ಳನ್ನ ನೋಡಿದ ನಂತರ ಬಿಡಿಸಿ ಹೇಳಬೇಕಿಲ್ಲವಷ್ಟೆ..  



ರನವೇ ಬ್ರೈಡ್!

90ರ ದಶಕದ ಈ ಜನಪ್ರಿಯ ಹಾಲಿವುಡ್ ಚಿತ್ರದಲ್ಲಿ ನಾಯಕಿಗೆ ಹಸೆಮಣೆಯಿಂದ ಓಡಿಹೋಗುವ ಚಟ.. ಇಂಥ ವಿಚಿತ್ರ ನಡವಳಿಕೆಯವರಿರುತ್ತಾರೆಯೇ ಎಂದು ಆಶ್ಚರ್ಯಪಟ್ಟವರಿಗೆಲ್ಲ ಮೊನಾಕೊದ ರಾಜಕುಮಾರಿ ಚಾಲರ್ಿನ್ ವಿಟ್ಸ್ಟಾಕ್ಳನ್ನು ನೋಡಿದರೆ ಹೌದು ನಿಜ ಜೀವನದಲ್ಲೂ ಇಂಥದ್ದು ನಡೆಯಲು ಸಾಧ್ಯ ಎಂದು ತಿಳಿಯುತ್ತದೆ. ದಕ್ಷಿಣ ಆಫ್ರಿಕಾದ ಮಾಜಿ ಸ್ವಿಮ್ಮಿಂಗ್ ಚಾಂಪಿಯನ್ ಆದ ಈಕೆ ಅದೇಕೆ ಅಥ್ಲೀಟ್ಗಳ ಹಾಗೆ ಒಂದಲ್ಲ ಎರಡಲ್ಲ ಮೂರು ಬಾರಿ ಈ ಮದುವೆಯಿಂದ ಪರಾರಿ ಆಗೋಕೆ ಪ್ರಯತ್ನಿಸಿದಳು ಎಂಬುದು ಇನ್ನೂ ರಹಸ್ಯವೇ! ಐವತ್ಮೂರರ ಹರಯದ ರಾಜಕುಮಾರ ಆಲ್ಬಟರ್್ ಹಾಗೂ ಮೂವತ್ಮೂರರ ಚಾಲರ್ಿನ್ ನಡುವೆ ಬರೋಬ್ಬರಿ ಇಪ್ಪತ್ತು ವರ್ಷಗಳ ಅಂತರ. ನೋಡಲು ಇವಳು ಸುರಸುಂದರಿ ಆತನೋ ಬೋಳುತಲೆಯ ಸುಂದರ. ರಾಜ ಮನೆತನದವ ಎಂಬುದನ್ನು ಬಿಟ್ಟರೆ ಈತನಲ್ಲಿ ಮತ್ಯಾವುದೇ ವಿಶೇಷ ಗುಣಗಳಿಲ್ಲ. ಹೊರಜಗತ್ತಿಗೆ ನಾರ್ಮಲ್ ಆಗೇ ಕಾಣುವ ಪ್ರಿನ್ಸೆಸ್ ಚಾಲರ್ಿನ್ ಅವಕಾಶ ಸಿಕ್ಕಿದಾಗಲೆಲ್ಲ ತವರಿಗೆ ಓಡಿಹೋಗಲು ಹಂಬಲಿಸುತ್ತಾಳೆ ಎಂದೋ ಏನೋ ಪ್ರಿನ್ಸ್ ಆಲ್ಬಟರ್್ ತನ್ನ ಮುದ್ದಿನ ಪತ್ನಿಯನ್ನು ದಕ್ಷಿಣ ಆಫ್ರಿಕೆಗೇ ಮಧುಚಂದ್ರಕ್ಕೆ ಕರೆದೊಯ್ಯಲು ತೀಮರ್ಾನಿಸಿದ್ದಾನೆ! ತವರಿಗೆ ಹೋದ ಮೇಲೆ ಚಾಲರ್ಿನ್ ಏನು ಮಾಡಬಹುದು? ಇದು ಈ ಹೊತ್ತಿನ ಸಾರ್ವತ್ರಿಕ ಕುತೂಹಲಗಳಲ್ಲೊಂದಾಗಿದೆ!










court ಪ್ರಪೋಸಲ್

ನನ್ನ ಮದುವೆ ಆಗ್ತೀಯಾ? ಅಂತ ಆಕಾಶ, ಭೂಮಿ, ಪಾತಾಳ... ಹೀಗೆ ಎಲ್ಲಲ್ಲೋ ಕೇಳಿದ್ದಿದೆ ಆದರೆ ಕ್ರೀಡಾಂಕಣದಲ್ಲಿ ಅದೂ ಕಣದಲ್ಲಿರುವ ಆಟಗಾರನಿಗೆ ಬಹಿರಂಗ ಪ್ರಪೋಸ್ ಮಾಡಿದ ಘಟನೆ ಹಲವರಿಗೆ ಗೊತ್ತಿಲ್ಲದಿರಬಹುದು. ಇತ್ತೀಚೆಗಷ್ಟೆ ವಿಂಬಲ್ಡನ್ ಟೂನರ್ಿ ಮುಕ್ತಾಯವಾದ ಸಂದರ್ಭದಲ್ಲಿ ಕಳೆದ ವರ್ಷದ ಈ ಘಟನೆ ನೆನಪಿಗೆ ಬಂತು. ಅದು ನಡೆದಿದ್ದು 2010ರ ಜನೆವರಿಯಲ್ಲಿ ಮೆಲ್ಬೋನರ್್ನಲ್ಲಿ. ಆಸ್ಟ್ರೇಲಿಯನ್ ಓಪನ್ ಚಾಂಪಿಯನ್ಶಿಪ್ನಲ್ಲಿ ಭಾಗವಹಿಸಿದ್ದ ಲಾನ್ಟೆನಿಸ್ನ ಹಾಟ್ಸ್ಟಾರ್ ರಫೆಲ್ ನಡಾಲ್ಗೆ ಸ್ಪೇನ್ ಮೂಲದ ಅಭಿಮಾನಿಯೊಬ್ಬಳು ಬಹಿರಂಗವಾಗಿ `ಹೇ ರಫೆಲ್ ವಿಲ್ ಯೂ ಮ್ಯಾರಿ ಮಿ..' ಎಂದು ಕೂಗೇಬಿಟ್ಟಳು! ಅದನ್ನು ಕೇಳಿ ಕೆಂಪುಕೆಂಪಾದ ನಡಾಲ್, ಸುಮ್ಮನೆ ಅಡ್ಡಡ್ಡ ತಲೆ ಆಡಿಸಿ ಮುಗುಳ್ನಗೆಯಲ್ಲಿ ಉತ್ತರವನ್ನ ತೇಲಿಸಿಬಿಟ್ಟ. ಇದೇ ರೀತಿಯ ತೊಂಬತ್ತರ ದಶಕದಲ್ಲಿ ಅಂದಿನ ಹಾಟ್ಫೆವರಿಟ್ ಆಗಿದ್ದ ಜರ್ಮನಿಯ ಸ್ಟೆಫಿಗ್ರಾಫ್ಗೆ ಅಭಿಮಾನಿಯೊಬ್ಬ ಕೇಳಿದಾಗ ಮೊದಲು ನಸುನಕ್ಕ ಸ್ಟೆಫಿ, ಎದುರಾಳಿಗೆ ಬಾಲ್ ಸವರ್್ ಮಾಡುತ್ತಲೇ ಕೇಳಿದಳು `ಹೌ ಮಚ್ ಮನಿ ಯೂ ಹ್ಯಾವ್?' ಅಂತ.. ಸೇರಿಗೆ ಸವ್ವಾಸೇರು ಅಂದರೆ ಇದೇತಾನೇ.

ದ್ರಷ್ಟಿ ದರ್ಶನ...(Samyukta Karnataka 8th July 2011)

A new column in Karmaveera with my illustrations

(Script: Shantala , Illustrations: Satish Sringeri)

ಪ್ರಣವ್ಗೆ `ಬಗ್' ಕಾಟ!

ತಾನು ಕಳ್ಳ ಪರರನ್ನ ನಂಬ.. ಇದು ಯುಪಿಎ ಸಕರ್ಾರಕ್ಕೆ ಅನ್ವಯಿಸೋ ಮಾತು ಎಂಬುದು ಕಠೋರ ಟೀಕೆಯಲ್ಲ ವಾಸ್ತವದ ಕಟು ಸತ್ಯ. ಇಲ್ಲದಿದ್ದರೆ ಕೇಂದ್ರ ಸಂಪುಟದ ಬೃಹಸ್ಪತಿಯ ಸ್ಥಾನದಲ್ಲಿರೋ ಹಣಕಾಸು ಸಚಿವ ಪ್ರಣವ್ ಮುಖಜರ್ಿಯವರ ಕಚೇರಿ ತುಂಬಾ ಕದ್ದಾಲಿಕೆ ಗುಂಡಿಗಳನ್ನು ಒತ್ತಿಡುತ್ತಿದ್ದರೇ?! ಈ ದೇಶದ ಕುಬೇರಪ್ಪನಾಗಿರುವ ವಿತ್ತ ಸಚಿವರ ಹಾಗೂ ಅವರ ಸಿಬ್ಬಂದಿಗಳ ಒಟ್ಟು ಐದು ಕಚೇರಿಗಳಲ್ಲಿ ಮೇಜುಗಳಿಗೆ ಅಂಟಿಸಲಾಗಿದ್ದ ಚ್ಯೂಯಿಂಗ್ ಗಮ್ಗಳೊಳಗೆ ಹುದುಗಿ ಕುಳಿತಿದ್ದ ಶ್ರವಣ ಸಾಧನಗಳು ಅಲ್ಲಿಂದ ಮಾಹಿತಿಗಳನ್ನು ಹೊರ ರವಾನಿಸುತ್ತಿದ್ದವೆಂಬುದನ್ನು ಬಿಡಿಸಿ ಹೇಳಬೇಕಾಗಿಲ್ಲವಷ್ಟೆ.. ಹಣಕಾಸು ಸಚಿವಾಲಯದ ಆಗುಹೋಗುಗಳ ವಿವರಗಳು ಯಾರಿಗೆ ಬೇಕಾಗಿದೆ? ಯಾರು ಈ ಕದ್ದಾಲಿಕೆ ಕೆಲಸ ಮಾಡುತ್ತಿದ್ದಾರೆ ಎಂಬುದನ್ನು ಮುಚ್ಚಿಹಾಕಲು ಗೃಹ ಸಚಿವ ಚಿದಂಬರಂ, ವಾತರ್ಾ ಸಚಿವೆ ಅಂಬಿಕಾ ಸೋನಿ ಆದಿಯಾಗಿ ಸಕರ್ಾರದವರು ಇದೇನೂ ಅಂತಹ ಮಹತ್ವದ ವಿಷಯವಲ್ಲ ಎಂದು ಹೇಳುತ್ತಿರುವುದಕ್ಕಿಂತ ಮತ್ತೊಂದು ಸಾಕ್ಷಿ ಬೇಕಿಲ್ಲ. ಹಾಗಾದರೆ ಪ್ರಧಾನಿ ಮನಮೋಹನ್ ಸಿಂಗ್ ಮತ್ತು ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾಗಾಂಧಿಯವರಿಗೆ ಪ್ರಣವ್ ಮೇಲೆ ನಂಬಿಕೆ ಇಲ್ಲವೇ?
***********************************************************************************
ಕಲೈಂಜರ್ ಬಾಯಲ್ಲಿ ರಾಮನಾಮ!

`ರಾಮ'ನನ್ನ ರಹೀಮನ ಕುಲದವರು ದ್ವೇಷಿಸುತ್ತಾರೋ ಇಲ್ಲವೋ ಆದರೆ ನೆರೆ ರಾಜ್ಯ ತಮಿಳುನಾಡಿನ ಮಾಜಿಮುಖ್ಯಮಂತ್ರಿ ಹಾಗೂ ಈ ದೇಶದ ಸ್ವಯಂಘೋಷಿತ `ಪರಮ ನಾಸ್ತಿಕ' ಎಂದು ಸ್ವಯಂ ಘೋಷಿಸಿಕೊಂಡಿರುವ ಎಂ. ಕರುಣಾನಿಧಿಯವರಿಗೆ ಪುತ್ರಿ ಕನ್ನಿಮೋಳಿ ಕೃಷ್ಣ ಜನ್ಮಸ್ಥಾನದಲ್ಲಿರುವುದರಿಂದ ಆಲೋಚನಾಶಕ್ತಿ ಕೈಕೊಟ್ಟಿರುವ ಹಾಗೆ ಕಾಣುತ್ತೆ! ರಾಮಾಯಣ ಒಂದು ಸುಳ್ಳಿನ ಕಂತೆ, ರಾಮಸೇತು ಎಂದೆಂದೂ ಅಸ್ತಿತ್ವದಲ್ಲೇ ಇರಲಿಲ್ಲ ಎಂದು ಇದುವರೆಗೂ ಬೊಬ್ಬೆ ಹೊಡೆಯುತ್ತಿದ್ದ ಕರುಣಾ ತಾತ, ಈಗ ಇದ್ದಕ್ಕಿದ್ದಂತೆ ತಮ್ಮನ್ನು ತಾವು ಮಯರ್ಾದಾ ಪುರುಷೋತ್ತಮ ಶ್ರೀರಾಮನಿಗೆ ಹೋಲಿಸಿಕೊಂಡಿರೋದು ನಿಜಕ್ಕೂ ಅವರ ಮೆದುಳಿನ ಸ್ಥಿತ್ಯಂತರದ ಸೂಚನೆ ಎಂಬುದು ವಿರೋಧಿಗಳ ಅಂಬೋಣ! ಇಷ್ಟಕ್ಕೂ ಈ ರಾಮ ಪ್ರಹಸನ ನಡೆದಿದ್ದು, ಡಿಎಂಕೆ ಕಾರ್ಯಕರ್ತರ ಇತ್ತೀಚಿನ ಬಹಿರಂಗ ಸಭೆಯಲ್ಲಿ ತಮ್ಮ ಇಂದಿನ ಸ್ಥಿತಿಯನ್ನು ಪ್ರಸ್ತಾಪಿಸಿದ ಕಲೈಂಜರ್, `ರಾಮ ವನವಾಸದಲ್ಲಿದ್ದಾಗಲೇ ತಾಟಕಿಯ ಸಂಹಾರವಾಗಿದ್ದು' ಎಂದು ತಮ್ಮ ಅಭಿಮಾನಿದೇವರುಗಳ ಕಣ್ಣೊರೆಸಿದರಂತೆ! ರಾಮ ಯಾರು, ತಾಟಕಿ ಯಾರು ಬಿಡಿಸಿ ಹೇಳಬೇಕಾಗಿಲ್ಲವಷ್ಟೇ..
****************************



ಅಷ್ಟಾಂಗಯೋಗ ವರ್ಸಸ್ ಕಪಾಲಬಾತಿ

ಇವರಿಬ್ಬರೂ ಪತಂಜಲಿ ಯೋಗ ಪರಂಪರೆಯ ಗೌರವಾನ್ವಿತ ಆಚಾರ್ಯರು. ಭಾರತೀಯ ಸಾಂಪ್ರದಾಯಿಕ ಯೋಗಶಾಸ್ತ್ರದ ಬಗ್ಗೆ ವಿಶ್ವದ ಮೂಲೆಮೂಲೆಯಲ್ಲೂ ಮಾಹಿತಿ, ಜಾಗೃತಿ, ತಿಳುವಳಿಕೆಗಳ ಪ್ರಸರಣದ ಜೊತೆಗೆ ಶಿಷ್ಯಮಂಡಲಿಗಳನ್ನು ಹೊಂದಿರುವ ಅಷ್ಟಾಂಗಯೋದ ಅಧ್ವಯರ್ು ಬಿ.ಕೆ.ಎಸ್. ಅಯ್ಯಂಗಾರ್ ಹಾಗೂ ಕಪಾಲಬಾತಿಯ ಕರ್ಮಠ ಬಾಬಾ ರಾಮದೇವ್ ನಡುವಿನ ಸಂಬಂಧ ಇನ್ನೂ ರಿಪೇರಿಯಾಗಿಲ್ಲವೆಂಬುದನ್ನು ಇತ್ತೀಚೆಗೆ ಚೀನದಲ್ಲಿ ಯೋಗಾಚಾರ್ಯರು ನೀಡಿರುವ ಹೇಳಿಕೆ ದೃಢಪಡಿಸಿದೆ. `ಕಪಾಲಬಾತಿಯ ಮಾರಾಟಗಾರರು ಪತಂಜಲಿ ಯೋಗದ ಮೂಲ ಉದ್ದೇಶಕ್ಕೆ ಕಂಟಕರಾಗಿದ್ದಾರೆ' ಎಂದು 93 ವರ್ಷದ ಯೋಗಗುರುಗಳು ಗುಡುಗಿದ್ದು ಯಾರ ಬಗ್ಗೆ ಎಂಬುದು ಸ್ವಯಂವೇದ್ಯ. `ಅವರು(ರಾಮದೇವ್) ಮೂಲ ಪತಂಜಲಿ ಯೋಗವನ್ನು ಕುಲಗೆಡಿಸುತ್ತಿದ್ದಾರೆ' ಎಂದು ಹತ್ತು ವರ್ಷಗಳ ಹಿಂದೆಯೇ ಬಹಿರಂಗವಾಗಿ ಹರಿಹಾಯ್ದಿದ್ದ ಗುರು ಅಯ್ಯಂಗಾರ್ಯರು ಇಂದಿಗೂ `ಕಪಾಲಬಾತಿ'ಯ ಪ್ರಸ್ತಾಪವಾದರೆ ಸಾಕು ಅಭಿನವ ಜಮದಗ್ನಿಯಾಗಿಬಿಡುತ್ತಾರೆ!
****************************************************************


ಕಾಯೋರೂ ಅವರೇ.. ಕಳ್ಳರೂ ಅವರೇ..

ಯಾವುದೇ ಹಗರಣ ನಡೆದಾಗ ಅದಕ್ಕೆ ಸಂಬಂಧಿಸಿದ ಕಡತಗಳು ನಾಪತ್ತೆಯಾಗುವುದು, ಆ ಫೈಲುಗಳಿರುವ ಕಚೇರಿಯ ಪ್ರದೇಶದಲ್ಲಿ ಶಾಟರ್್ಸಕ್ಯರ್ೂಟ್ ಸಂಭವಿಸುವುದು ಇವೆಲ್ಲ ಮಾಮೂಲಿ ಘಟನೆಗಳೇ. ಕೆಲವರ್ಷಗಳ ಹಿಂದೆ ಕನರ್ಾಟಕ ರಾಜ್ಯ ಮಹಿಳಾ ಆಯೋಗದಲ್ಲಿ ಇಂಥ ಅಗ್ನಿ ಆಕಸ್ಮಿಕ ಉಂಟಾಗಿ ಪ್ರಸ್ತುತದ ಅಧಿಕಾರಸ್ಥ ರಾಜಕಾರಣಿಯೊಬ್ಬರಿಗೆ ಸಂಬಂಧಿಸಿದ ದಾಖಲೆಗಳು ಸುಟ್ಟು ಕರಕಲಾಗಿದ್ದರ ನೆನಪು ಮಾಸುವ ಮೊದಲೇ ಮಹಾರಾಷ್ಟ್ರದಲ್ಲೂ ಇಂಥದ್ದೇ ಇತಿಹಾಸ ಮರುಕಳಿಸಿದೆ. ಆ ರಾಜ್ಯದ ಮುಖ್ಯಮಂತ್ರಿ ಅಶೋಕ್ ಚವ್ಹಾಣ್ರ ಪದತ್ಯಾಗಕ್ಕೆ ಕಾರಣವಾದ ಆದರ್ಶ ಹೌಸಿಂಗ್ ಹಗರಣಕ್ಕೆ ಸಂಬಂಧಿಸಿದಂತೆ ಕಲೆಹಾಕಲಾಗಿದ್ದ ಫೈಲುಗಳೆಲ್ಲ ನಾಪತ್ತೆಯಾಗಿದ್ದು, ಈ ಪ್ರಕರಣದಲ್ಲಿ ಭಾಗಿಯಾಗಿರುವ ಪಟ್ಟಭದ್ರರ ಹೆಸರನ್ನು ಶಾಶ್ವತವಾಗಿ ಅಳಿಸಿಹಾಕಲು ಅಗತ್ಯವಿರುವ ಕ್ರಮಗಳನ್ನೆಲ್ಲ ಕಟ್ಟುನಿಟ್ಟಾಗಿ ಕೈಗೊಳ್ಳಲಾಗಿದೆಯಂತೆ! ಆಡಳಿತಾರೂಢ ಸಕರ್ಾರಕ್ಕೆ ಸಂಬಂಧಿಸಿದ ಹಗರಣ ಇದಾಗಿರುವುದರಿಂದ `ಕಾಯೋರೂ ಅವರೇ.. ಕಳ್ಳರೂ ಅವರೇ'
**********************************************************************
ಕಾಮಿಕ್ಸ್ ನಾಯಕಿ ಮ್ಯಾಡೊನಾ 

ಮಕ್ಕಳ ಮನರಂಜನೆ ಮತ್ತು ಮಾಹಿತಿಗಾಗಿ ರೂಪುಗೊಂಡ ಕಾಮಿಕ್ಸ್ ಪುಸ್ತಕಗಳಲ್ಲಿ ಎಂಥ ಕತೆಗಳು, ಎಂಥವರ ಜೀವನಚರಿತ್ರೆಗಳು ಬಂದರೆ ಚೆನ್ನ? ಈ ಪ್ರಶ್ನೆಯ ಉತ್ತರಕ್ಕೆ ತಲೆಕೆಡಿಸಿಕೊಳ್ಳದೇ ಬ್ಲೂವಾಟರ್ ಸಂಸ್ಥೆಯು ಪಾಪ್ ತಾರೆ ಮ್ಯಾಡೊನಾಳ ಕತೆಯನ್ನ ಕಾಮಿಕ್ಸ್ ರೂಪದಲ್ಲಿ ಹೇಳಹೊರಟಿದೆ! ಮ್ಯಾಡೊನಾ ವಿಶ್ವದ ಅತ್ಯಂತ ಜನಪ್ರಿಯ ಗಾಯಕಿ ಇರಬಹುದು ಆದರೆ ಆದರ್ಶಪ್ರಾಯಳೇ? ಎಂದು ಕೇಳಿದರೆ ಇದೊಂದು ಸಿಲ್ಲಿ ಪ್ರಶ್ನೆ ಎನ್ನುವ ಬ್ಲೂವಾಟರ್, ವಿಶ್ವದ ಸತ್ವಶೀಲ ಮಹಿಳೆಯರನ್ನು ಚಿಣ್ಣರಿಗೆ ಪರಿಚಯಿಸುವುದು ನಮ್ಮ ಉದ್ದೇಶ. ಈ ನಿಟ್ಟಿನಲ್ಲಿ ಬ್ರಿಟನ್ನಿನ ಮಾಜಿ ಪ್ರಧಾನಿ ಮಾರ್ಗರೆಟ್ ಥ್ಯಾಚರ್, ಅಮೆರಿಕದ ಗೌರವಾನ್ವಿತ ರಾಜಕಾರಣಿ ಸಾರಾ ಪಾಲಿನ್, ಅದೇ ದೇಶದ ಖ್ಯಾತ ಪತ್ರಕತರ್ೆ ಮತ್ತು ಲೇಖಕಿ ಬಾರ್ಬರಾ ವಾಲ್ಟರ್ಸ್ರ ಜೀವನ ಚರಿತ್ರೆಯನ್ನು ಕಾಮಿಕ್ಸ್ ರೂಪದಲ್ಲಿ ಪ್ರಕಟಿಸಿದ್ದೇವ ಎನ್ನುವ ಬ್ಲೂವಾಟರ್ಸ್, ಇದೀಗ ವಸ್ತ್ರ ದ್ವೇಷಿ ಗಾಯಕಿ ಮ್ಯಾಡೊನಾ ಕತೆಯನ್ನ ಚಿಣ್ಣರಿಗೆ ಹೇಳಹೊರಟಿದೆ. ಹಾಗಾದರೆ ಈ ಸರಣಿಯಲ್ಲಿ ಮುಂದಿನ ಹೆಸರು ಸಮಂತಾ ಫಾಕ್ಸ್, ಶಾರನ್ ಸ್ಟೋನ್ರದ್ದಾ?!!( COMICS IMAGE SOURCE: INTERNET)

ನೋ ಟಪ್ಪಾಂಗುಚ್ಚಿ ಡ್ಯಾನ್ಸ್!.....NEWSDIGEST....weekly column in Karmaveera

(Article: Shantala , Illustrations: Satish Sringeri)

ನೋ ಟಪ್ಪಾಂಗುಚ್ಚಿ ಡ್ಯಾನ್ಸ್!

ನ್ಯಾಯ, ನೀತಿಗಳ ಮೂತರ್ಿವೆತ್ತ ಸತ್ಯದೇವ ಮಂಜುನಾಥನ ಸನ್ನಿಧಿಯಲ್ಲಿ ಸಧ್ಯ ನಮ್ಮ ರಾಜ್ಯಸಕರ್ಾರದ `ರಾಕ್ಸ್ಟಾರ್' ರೇಣುಕಾಚಾರ್ಯ ಸಾಹೇಬರು ಟಪ್ಪಾಂಗುಚ್ಚಿ ಕುಣಿತ ಹಾಕದೆ `ಧರ್ಮ'ಸ್ಥಳದಲ್ಲಿ ಸಂಯಮ ಮೆರೆದಿದ್ದಾರೆ! ಬೀದರ್ನಿಂದ ಬೆಂಗಳೂರಿನ ವರೆಗೆ ಚಾನ್ಸ್ ಸಿಕ್ಕಾಗಲೆಲ್ಲ ಡ್ಯಾನ್ಸ್ ಮಾಡುವುದಕ್ಕೆ ರಾಜ್ಯಾದ್ಯಂತ ಸಚಿವ ರೇಣುಕಾಚಾರ್ಯ ಫೇಮಸ್ಸು. ಅದು ಟಪ್ಪಾಂಗುಚ್ಚಿ ಸ್ಟೆಪ್ಪೇ ಇರಬಹುದು ಅಥವಾ ಡೋಲು ಬಾಜಾ ನೆಗೆತವೇ ಇರಬಹುದು.. ಎಲ್ಲಕ್ಕೂ ಸೈ ಎನ್ನುವ ಅಬಕಾರಿ ಸಚಿವ ಮಹೋದಯರು ತಮ್ಮ ಅಧಿನಾಯಕ ಮುಖ್ಯಮಂತ್ರಿ ಯಡಿಯೂರಪ್ಪನವರ ಆಣೆ ಪ್ರಮಾಣ ಪ್ರಕರಣದ ಬೆಂಬಲಕ್ಕಾಗಿ ಅಣ್ಣಪ್ಪ ದೈವದ ನೆಲೆವೀಡಿಗೆ ಸಹೋದ್ಯೋಗಿಗಳೊಂದಿಗೆ ತೆರಳಿದಾಗ ದೊರೆತ ಪೂರ್ಣಕುಂಭ ಸ್ವಾಗತಕ್ಕೆ ಮನಸೋತು, ಭಾವುಕರಾಗಿ ಎಲ್ಲಿ ಟಪ್ಪಾಂಗುಚ್ಚಿ ಕುಣಿತ ಹಾಕಿಬಿಡುತ್ತಾರೋ ಎಂದು ಹೆದರಿದ್ದ ಅಧಿಕಾರಿ ಸಿಬ್ಬಂದಿಗಳು, ಸಾಹೇಬರು ತೀರಾ ಎಮೋಷನಲ್ ಆಗದೆ ನಾರ್ಮಲ್ ಆಗೇ ನಡಕೊಂಡಿದ್ದು ಕಂಡು ಸಮಾಧಾನದ ನಿಟ್ಟುಸಿರು ಬಿಟ್ಟರಂತೆ!! ********************************************************************************* -ಶಾಂತಲ

ದ್ರಷ್ಟಿ ದರ್ಶನ...(Samyukta Karnataka 1 st July 2011)

Hunasavadi Rajan's Weekly column

ಸಂಯುಕ್ತ ಕರ್ನಾಟಕ ಪತ್ರಿಕೆಯ ಸಂಪಾದಕರ ಅಂಕಣದೊಂದಿಗೆ ಪ್ರಕಟಿತ ಚಿತ್ರ